அன்புள்ள மருமகள்

கணவனின் மனை புகுந்து  எல்லா உறவுகளையும்
சங்கிலி யெனும்
அன்பால் இணைத்துக் கொடுப்பவள்
மருமகள்  !
மாமியார் உறவினை தாயென
ஏற்றிடும் பந்தத்தில்
இன்னுமோர்
மகளவள் !
சீதனம் சுமந்தவள்
புக்ககம் வருகையில்
அகந்தையை
செருப்பென மாற்றிடும்
நல் குணமவள் !
பாரங்கள் யாவையும் பூ வென
மாற்றிடும்
பசுந்தளிரவள் !
கத்தியாய் மாறியே
இழிவுகள் யாதையும் வெட்டியே வீழ்த்திடும்
குலமகள் !
வழிந்திடும் கண்ணீரினில்
காயங்கள் போக்கிடும் வல்லமை உள்ளவள் இவள்
இனியவள் !
சுக துக்கங்களை
எங்களிடம் பகிர்ந்து
எங்கள்  இறுதி மூச்சு  வரை வாழும்
குலக்கொடியவள் !
இவ்வினியவள் நம்
இல்லத்திற்கு  வந்த
வரமிவள் .

கவிதை: உஷா விஜயராகவன்

கலை: தன்யஸ்ரீ ரகுநாதன்